شوفي طريقتي المميزة في تطبيق ملاياتي .. حاجة شيك اوي

موضوعي النهاردة ان شاء الله حيكون حصري جداً ومن دولابي رأساً اليكم

وحنكمل فيه باذن الله سلسلة " بيتي دايماً مرايتي "
اللي بدأناها مع بعض

وطبعاً جاتلي أسئلة كتير عن طريقة حلوة لتطبيق الملايات

فقررت اني اصورلكم طريقتي الشخصية في تطبيقهم
يعني مش صور متجمعة من النت وخلاص

نبدأ بسم الله

طريقة تطبيق الملاية نفسها
1- حتجيبي الملاية وتطبيقها نصين بالطول
يعني الجنبين اللي فيهم رسمة او تطريز يكونوا على بعض

2- تطبقيهم نصين تاني بالعرض
وبرضه التطريز او الجناب لسه على بعض
وحتلاقيها بقت زي مربع كبير


3- حتطبقيهم نصين تاني
وزي ما قلنا الجناب على بعض
وحتلاقي الملاية بقت مستطيل عريض شوية


4- وحنرجع نكرر نفس الموضوع تاني
وحتلاقي شكلها بقى مستطيل رفيع



وطبعاً حتلاقي في حتت مش مظبوطة
مش مشكلة
خليها بس لفوق بالشكل ده
وحتداراى بعد التطبيق


5- حتطبقي المستطيل الأخير ده
تلت وتلتين يعني كأنه 3 مستطيلات
واحد منهم حييجي فوق التاني



وحنستنى دلوقتي عشان نحط الخداديات جواها

 

طريقة تطبيق الخدادية الصغيرة

1- نحطها مفرودة ع السرير
او حتي تفرديها على ايدك



2- طبقيهم نصين بالطول


3- وبرضه نطبق تلت وتلتين
بالشكل ده


4- وده شكلها النهائي


طريقة تطبيق كيس المخدة الطويل

1- طبقيه نصين بالعرض


2- ونطبقين نصين بالطول المرة دي


3- نعمل دلوقتي موضوع تلت وتلتين بالشكل ده


وده شكله النهائي


وده شكل الخداديات فوق بعض


ونرجع بقى للملاية نفسها دلوقتي
ونحط فوقها المخدات بالشكل ده


وطبقي التلت الأخير ده فوق التلتين اللي عليهم المخدات


بصي شكل الملاية شيك ازاي


وكمان ميزتها ان الملاية جواها المخدات بتاعتها
ومش بيعملوا زحمة في الدولاب

انا بقى برصهم فوق بعض كده
واشيلهم في الشوفنيرة


بس طبعاً بارتبهم حسب المقاس
يعني الاعرض شوية باخليه من تحت

وعلى فكرة الموضوع مش صعب زي ما حد فيكم ممكن يفتكر
هي بس اول كام مرة وبعدين حتلاقي نفسك بتخلصيها في ثواني

وانا كمان مش باعملها ع السرير كده
انا باعملها وانا واقفة لأن ايدي خدت ع الطريقة دي

يارب تكون طريقتي واضحة وعجبتكم