الثلاثاء، 30 يوليو 2013

ايه الاكلات اللى بتليق مع بعضها

ناس كتير بتسأل يا ترى اطبخ ايه مع ايه
يعنى ايه اللى يليق على التانى عشان فكرة تناسق الاكل مع بعضه
خصوصا ان فى عرايس اول ما تتجوز تعمل اكتر من صنف او تعمل اللى تعرفه
او تعلق على اكله واحدة

 نبدء








اولا اللحوم
 
الفراخ : بتليق جدا مع الارز و المكرونة و المكرونة اكتر- البطاطس المحمرة – خضار سوتيه
 
الفراخ البانيه : طبعا المكرونة – بطاطس محمرة
 
شاورمة الفراخ : طبعا مع الرز او العيش – طحينة و سلطة خضرا
 
اللحمة : مع الرز ممتازة و اى خضار احمر
 
اللحمة بالخضار : مع الارز
 
البوفتيك : يليق مع المكرونة ـ ارز معمر/ بالخلطة – بطاطس محمرة – سلطه
 
الاسماك : بتليق مع الرز و العيش – جرجير و سلطات
 
السى فود : مع المكرونة بتكون ممتازة – شوربة سى فود
 
الحمام : يليق مع الرز و الفريك سواء حشو او جنبه " ع فكرة الحمام بالرز احلى "
 
البط : الرز بالمكسرات أو جنب صينية مكرونة فرن على شوربته – صينية البطاطس التمام
الارانب : رز – رز بالشعرية – ملوخية
 
السمان : الرز و الخضار الاحمر
 
سمبوسك اللحمة : محشى ورق العنب - الطيحنة – التوميه - خضار اخضر
 
الكفته : الرز – خضار احمر
 
كفته بالصلصة : رز او مكرونة
 
الكوارع : رز - فته - شوربة
 
انواع المكرونات المناسبة لاكلات معينة :
 
البشاميل : بالاقلام " البينة "
 
الكشرى : المكرونة المقصوصة " الخواتم الكبيرة او الصغيرة – المكرونة الملويه – سباجيتى و مقصوصة ع بعض
 
السى فود – مكرونة اسباجيتى
 
النجريسكو : الاقلام – الشريطه
 
المحشى : يكون جبنه سلطه - فراخ او لحمة محمرة
 
اللحمة الضانى : الباميه – البطاطس
 
اللحمة البتلو : اكل لا يعتمد على الشوربة لان شوربتها ضعيفة
 
كباب الحلة : بطاطس و خضروات مشكلة
 
الشوربة :
 
اللسان عصفور جنب الاكلات اللى فيها رز – المكرونة لا
 
الرز بالشعرية : جنب اى خضار و ممكن فى الفته و ممكن فى الكشري
 
الكبدة : مكروووونة
 
السجق : المكرونة و العيش و الرقاق الطري
 
القرنبيط المقلى : جنبه بتنجان مخلل – بطاطس مهروسة او محمرة – طرشى – سلطة خضرا
القرنبيط بدمعة 
والمسقعة : يكون جنبهم سلطه خضرا خفيفة
 
الدقة بالخل و التوم : مع الفته المصري - ورق العنب المصري – الكشرى المصري – الكشرى الاسكندرانى – الملوخية
 
الملوخية : رز – فراخ محمرة ...رغم انى بحبها بالمكرونة جدا بس اراء
 
اللمون فى الاكل : مع الباميه – ورق العنب – الكوارع – الاسماك – الطحينة – السلطات
 
تتبيلة السمك : لمون – خل – فلفل اخضر – ثووم هى نفسها للبتنجان المقلى و المخلل
 
البصل فى الخضار مع : الخضروات الحمرا كلها – رز السمك
 
الثوم : مع الباميه و الدقات – تتبيل اللحمة – الطحينة - الاسماك كلها

السلطات المناسبة للاكلات :
 
المشاوى : سلطة خضرا – طحينة - طرشى
 
الكبدة : طرشى - اوطة بالكمون
 
السى فود و الاسماك : البطاطس بالثوم – سلطة الكافيار – طحينة باللمون – بابا غنوج
 
السلاطات الغربي : الروسي " بطاطس و بسلة و جزر بالمايونيز " مع المشويات
 
سلطة الخيار بالزبادى مع ورق العنب و المشاوى
 
الثومية : المشاوى
 
سلطة البنجر مع المشاوى
 
سلطة الكلوسلو مع المشاوى خصوصا السندوتشات
 
الموزة و الاوزى : يفضل معاهم رز او فته و شوربة و بتنجان مخلل
 
البتنجان المخلل اكله تقيلة تفضل تتاعمل معامله الطبق الجانبي و ليس السلطة
يوجد طريقيتين للبتنجان
" مسلوق و بعدين نضيف الخلطة " 
" مقلى و بعدين نضيف الخلطه "
 
الفوووووووول بيليق معاه ايه :
البيض مقلى و مسلوق - السجق و السوسيس – اللمون – الكمون – الثوم و الصلصة- الطحينة

منقووووووووووول

هناك تعليقان (2):

  1. تعتبر شركة الياسمينة 0533163233 الشركة الاولى فى مجال التنظيف حيث نقوم بعمل كافة اعمال النظافة العامة فى جدة من تنظيف شقق وتنظيف فلل وتنظيف عمائر ونمتلك أفضل العمالة المدربة ونعنبر أرخص شركة نظافة بجدة ونقوم بمكافحة ورش بق الفراش والعته والتخلص منها تماما ورش بمبيدات بدون رائحة.
    شركة مكافحة بق الفراش بجدة
    شركة مكافحة البق بجدة
    شركة مكافحة الفئران بجدة
    شركة تنظيف بجدة
    شركة تنظيف بالبخار بجدة
    شركة تنظيف فلل بجدة
    شركة تنظيف منازل بجدة
    شركة تنظيف شقق بجدة
    شركة نظافة بجدة

    ردحذف
  2. تسلمي بجد استفدت منك كتيير

    ردحذف

AddThis